SOPA гэж юу вэ?

Та өмнө нь SOPA(Stop Online Piracy Act)-ийн талаар сонсож байгаагүй бол саяхнаас сонсож эхэлсэн болов уу. Интернетийн ертөнц дахь хамгийн том веб хуудсуудын нэг болох Wikipedia ба Reddit anti-piracy bill(зохиогчийн эрхийг зөрчихийг хориглох хөдөлгөө)-ийн эсрэг нэг өдөр хуудсаа хааж эсэргүүцлээ илэрхийлсэн.

2011 оны 10 сарын 26-нд анх энэ хуулийн саналыг АНУ Техас мужийн захирагч Конгрессд санаачлан оруулсан ба 11 сарын 16-с хойш хэлэлцэж  12 сарын 15-нд хоёр талаас дагаж мөрдөхөд аль болох боломжтой байлгах үүднээс засвар оруулсан. Энэхүү хуулийн хамтрагч нь PIPA (Protect IP Act) юм. PIPA-ийн талаар одоогоор хэлэлцэж байгаа ба санал хураалтыг 2012.01.18-нд явуулсан байна. Харин SOPA-ийн талаар эргэн 2 дугаар сард хуралдаж, асуудлыг шийдвэрлэхээр болоод байгаа.

SOPA-ийн гол үүрэг нь зохиогчийн эрхгүй ашиглаж байгаа гадны веб хуудсууд дахь контентийг бүрэн буулгаж авах, устгах явдал юм. Жишээ нь Монгол дахь нэг веб хуудас Warner Bros-ийн The Dark Knight-ийг татаж авах холбоосыг өөр дээрээ байрлуулж, PayPal-аар дамжин тооцоогоо хийж татаж авах бол Google-ийн хайлтанд тэрхүү холбоосыг харуулахгүй болгох, PayPal-ийг  тухайн веб хуудаснаас гүйлгээ хийхийг хориглож, санхүүгийн эх үүсвэр болсон бүх зар сурталчилгааны баннеруудыг авах ба хамгийн аюултай нь тухайн веб хуудсанд хостинг үйлчилгээ үзүүлж байгаа ISP байгууллагын хэрэглэгч нарыг тухайн хуудас руу хандуулахыг болиулах чадалтай байх юм.

Танд ганц “веб хуудас хууль бусаар контент цацаж байна” гэсэн утга агуулгатай захиа ирэхэд дээр дурьдсан зүйлсийг IP олгогч байгууллага эсэргүйцэлгүй биелүүлэх явдал нь  SOPA-ийн хамгийн цочирдмоор зүйл юм. Google эсвэл PayPal-д ийм захиа ирвэл эдгээр байгууллагууд нь шууд үүргээ биелүүлж үйлчилгээнүүдээ хаах ёстой юм.

Энэхүү хуулийн эсрэг томоохон хөдөлгөөнүүд өрнөж байгаа ба  интернетэд ганхашгүй байр суурьтай олон байгууллага веб хуудсууд нэгдэн үүний эсрэг тэмцэж байгаа юм.

2012 оны 1 сарын 18-нд ийм төрлийн үйл ажиллагаа явуулсан веб хуудсуудыг дурьдвал:

·         Google дараах  зургийг тавьж тэмцлийн тухай мэдээ рүү холбож өгсөн

·         Mozilla

·         Reddit

·         Wordpress

·         TwitPic

·         MoveOn.org

·         BoingBoing.net зэрэг веб хуудсууд ажиллагаагаа зогсоож “Imagine a World Without Free Knowledge” гэсэн баннер тавьсан байна.

[2011 оны 1 сарын 18 Google-ийн Doodle]

[Wikipedia-ийн black page]

[Megaupload.com веб хуудсыг хааж USA Government-ийн тавьсан бичиг]